«Կուբ Ինվեսթ»-ը AMX-ի կողմից արժանացել է «Excellence in Partnership» մրցանակին
«Կուբ Ինվեսթ» ներդրումային ընկերությունը Հայաստանի ֆոնդային բորսայի (AMX) կողմից արժանացել է «Excellence in Partnership» մրցանակին՝ ի գնահատանք արդյունավետ համագործակցության, կապիտալի շուկայի զարգացմանն ուղղված համատեղ նախաձեռնությունների և ֆինանսական ոլորտի առաջխաղացման գործում ունեցած ներդրման։
Մրցանակը հանձնվել է մայիսի 29-ին կայացած AMX-ի 25-ամյակին նվիրված հոբելյանական միջոցառման ընթացքում, որը համախմբել էր կապիտալի շուկայի, ֆինանսական ոլորտի և միջազգային գործընկեր կառույցների ներկայացուցիչներին։
Հատկանշական է, որ սա առաջին դեպքը չէ, երբ «Կուբ Ինվեսթ»-ի գործունեությունը գնահատվում է Հայաստանի ֆոնդային բորսայի կողմից։ 2024 թվականին ընկերությունը դարձել էր «Բորսայի լավագույն համագործակցող անդամ» անվանակարգի հաղթող՝ կապիտալի շուկայի զարգացմանն ուղղված ակտիվ գործունեության համար։
2022 թվականից «Կուբ Ինվեսթ»-ը հանդիսանում է Հայաստանի ֆոնդային բորսայի անդամ և շարունակաբար մասնակցում է շուկայի զարգացմանն ուղղված նախաձեռնություններին՝ նպաստելով ներդրումային ծառայությունների հասանելիության ընդլայնմանը և ներդրումային մշակույթի զարգացմանը Հայաստանում։
«Excellence in Partnership» մրցանակը ևս մեկ անգամ ընդգծում է «Կուբ Ինվեսթ»-ի և AMX-ի միջև ձևավորված ամուր համագործակցությունը և հաստատում ընկերության հանձնառությունը՝ շարունակելու իր ներդրումը Հայաստանի կապիտալի շուկայի առաջընթացի և ներդրումային միջավայրի զարգացման գործում։
Այլ հոդվածներ
Dalan Technopark — Հայաստանի նորարարական բիզնես էկոհամակարգը
Dalan Technopark-ը Հայաստանի առաջին տեխնոլոգիական և բիզնես կենտրոնն է։ Այն ձևավորվում է որպես նոր ստանդարտներ թելադրող բիզնես միջավայր, որը համախմբելու է արդյունավետ աշխատանքի համար անհրաժեշտ բոլոր պայմաններն ու ենթակառուցվածքները։
31.10.25
Անակնկալ նվերներ «Մանթաշյանց» ԳՄ-ի անդամներին
Նշեցինք մեր հիմնադրման 8-րդ տարին, որի կապակցությամբ «Մանթաշյանց» Գործարարների Միության բոլոր անդամների համար պատրաստել էինք նվերներ ընդհանուր $40.000 չափով՝ ընդգծելով ներդրումային ոլորտի զարգացմանը խթանող մեր պատրաստակամությունը։
30.01.25